कर्जा

तिम्रो प्रेम मेरो लागि सधैं उधारोमै रहोस् किनकि यही कर्जा मेरो जीवनको सबैभन्दा मूल्यवान सम्पत्ति हो। यो कर्जा सुनको गहना वा धन सम्पत्तिभन्दा पनि अनमोल छ। किनकि यो मेरो हृदयमा बस्ने आत्मामा बस्ने र मेरो धड्‌कनमा घुल्ने भावना हो।

म यो कर्जाको बोझ कहिल्यै हल्का गर्न चाहन्नँ। बरु यो बोझ मेरो काँधमा मेरो मुटुको कुनामा मेरो प्रत्येक साससँग बाँधेर जिन्दगीभर बोकेर बाँच्न चाहन्छु।

तिम्रो माया पुरा भए पनि वा अधूरो रहे पनि तर यसको स्वाद यसको मादकता र यसको पीडा दुबै मेरो जीवनलाई अर्थ दिन्छन्। त्यसैले मलाई तिम्रो कर्जदारकै रूपमा सारा जिन्दगी बिताउन देऊ किनकि यो कर्जा नै मेरो बाँच्ने कारण हो मेरो मुस्कानको रहस्य हो र मेरो आँखामा चमक बनि बस्ने अनन्त ज्योति हो।